Ադրբեջանը պետք է ամբողջությամբ կատարի Միջազգային դատարանի փետրվարի 22-ի որոշումը՝ առանց շահարկումների․ ՀՀ ԱԳՆ խոսնակ
2 րոպեի ընթերցում
![Ադրբեջանը պետք է ամբողջությամբ կատարի Միջազգային դատարանի փետրվարի 22-ի որոշումը՝ առանց շահարկումների․ ՀՀ ԱԳՆ խոսնակ](http://armenpress.am/resized/480/static/news/b/2023/07/1114969.jpg)
ԵՐԵՎԱՆ, 8 ՀՈՒԼԻՍԻ, ԱՐՄԵՆՊՐԵՍ։ Արդարադատության միջազգային դատարանի փետրվարի 22-ի որոշումը պետք է ամբողջությամբ կատարվի Ադրբեջանի կողմից՝ առանց որևէ շահարկումների և տեքստի կեղծ մեկնաբանությունների։ Ինչպես տեղեկացնում է «Արմենպրես»-ը, «Թվիթեր»-ի իր էջում գրել է ՀՀ ԱԳՆ մամուլի խոսնակ Անի Բադալյանը, անդրադառնալով ՄԱԿ-ի Արդարադատության միջազգային դատարանի հուլիսի 6-ի որոշմանը՝ Լաչինի միջանցքում ադրբեջանական անցակետ տեղադրելու վերաբերյալ Հայաստանի դիմումի վերաբերյալ:
«Արդարադատության միջազգային դատարանը վերահաստատել է իր որոշումը՝ Ադրբեջանին պարտավորեցնելով Լաչինի միջանցքով ապահովել անարգել մուտք: Դատարանի որոշումը, որը հստակ է և չի փոխվել 2023 թվականի փետրվարի 22-ից ի վեր, պետք է ամբողջությամբ կատարվի Ադրբեջանի կողմից՝ առանց որևէ շահարկումների և տեքստի կեղծ մեկնաբանությունների»,- գրել է Բադալյանը։
@CIJ_ICJ unanimously REAFFIRMED its Order of obliging #Azerbaijan to ensure unimpeded access thrgh #LachineCorridor. Order of the Court, which is clear & has not changed since 22.02.23, should be fully implemented by #Azerbaijan w/o any speculation & fake interpretations of text. https://t.co/qJkQCr6oKm
— Ani Badalyan, Spokesperson of MFA of Armenia (@ArmSpoxMFA) July 7, 2023