Ժամանակը Երևանում՝ 11:07:36,   13 Օգոստոս 2022

«Քո դեմքը՝ որպես տոմս». Orion Summit 2022-ը նորարարական տեխնոլոգիայով կիրականացնի մասնակիցների գրանցումը

«Քո դեմքը՝ որպես տոմս». Orion Summit 2022-ը նորարարական տեխնոլոգիայով 
կիրականացնի մասնակիցների գրանցումը

ԵՐԵՎԱՆ, 31 ՄԱՅԻՍԻ, ԱՐՄԵՆՊՐԵՍ: Orion Summit 2022-ն արդեն բաց է գրանցումների համար։ «Արմենպրես»-ի հաղորդմամբ՝ տեխնոլոգիական գագաթնաժողովի մասնակիցները կարող են այսօրվանից գրանցվել նորարարական տեխնոլոգիայով, հատուկ հավելվածում (Android, iOS) լրացնելով էլ.փոստի հասցեն և սկանավորելով դեմքը: 

Հավելվածը մշակել է գագաթնաժողովի գործընկեր Scylla-ն, որն իրական ժամանակում սպառնալիքների հայտնաբերման լուծումներով զբաղվող առաջատար ընկերություն է։ «Քո դեմքը՝ որպես տոմս» հավելվածի շնորհիվ մասնակիցները կունենան անձնական կենսաչափական անցագիր:

Գործարկվել է նաև միջոցառման պաշտոնական կայքը, որտեղ կարելի է ստանալ տեխնոլոգիական գագաթնաժողվի մասնակիցների, օրակարգի և գործընկերների մասին տեղեկատվություն։ Գրանցվել ցանկացողները կայքի մոբայլ տարբերակում պետք է սեղմեն «Register» կոճակը և ստանան հետագա հրահանգները։ Միջոցառման ժամանակ մուտքի մոտ տեղադրված տեսախցիկը «կճանաչի» դեմքը և հնարավորություն կտա մուտք գործել առանց թղթային կամ էլեկտրոնային տոմսի։ 

Գագաթնաժողովի գործընկեր Scylla-ն համագործակցում է մի շարք միջազգային ընկերությունների հետ, ինչպես օրինակ՝ Daimler, Chicago Cubs, Major League Baseball,  Oman-ի միջազգային օդանավակայանների ցանց և այլն։ 

Orion Summit 2022-ը տեղի կունենա հունիսի 22-ին Երևանում, Մատենադարանում:  Կմասնակցեն տեխնոլոգիաների, ֆինանսների, բիզնեսի և այլ ոլորտներում միջազգային ճանաչում ունեցող հիմնադիրներ, ներդրողներ, խորհրդատուներ և մասնագետներ: Orion Summit 2022 գագաթնաժողովի մասին նորություններին կարելի է հետևել նաև սոցցանցերում՝ Facebook-ում, LinkedIn-ում։ 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]