Ժամանակը Երևանում՝ 11:07:36,   17 Օգոստոս 2022

ԵՀ-ն մտադիր Է մինչեւ հունիսի վերջը գնահատական տալ ԵՄ-ին Ուկրաինայի անդամակցության խնդրանքին

ԵՀ-ն մտադիր Է մինչեւ հունիսի վերջը գնահատական տալ ԵՄ-ին Ուկրաինայի անդամակցության խնդրանքին

ԵՐԵՎԱՆ, 19 ՄԱՅԻՍԻ, ԱՐՄԵՆՊՐԵՍ: Գերմանիայի կանցլեր Օլաֆ Շոլցը խոստացել Է, որ Եվրահանձնաժողովը (ԵՀ) մինչեւ հունիսի վերջը գնահատական կտա ԵՄ-ին Ուկրաինայի անդամակցության խնդրանքին, տեղեկացնում Է «Արմենպրես»-ը:

«Ուկրաինան խնդրել Է անդամակցել Եվրամիությանը: Ենթադրվում Է, որ Հանձնաժողովը Եվրախորհրդի առջեւ հունիսի վերջին իր գնահատականը կտա խնդրանքին»,-Շոլցը մայիսի 19-ին ասել Է Բունդեսթագում: Նա մեջբերել Է Ֆրանսիայի նախագահ Էմանուել Մակրոնի խոսքը, որն ասել Է, թե միությանն անդամակցելու գործընթացը մի քանի ամսվա կամ տարվա հարց չԷ, բայց խոստացել Է Ուկրաինային աջակցել այդ գործընթացում:

Ավելի վաղ հաղորդվել Է, որ մայիսի 9-ին Ուկրաինան Եվրոպական միությանը ներկայացրել Է հարցախմբի երկրորդ մասը, որն անհրաժեշտ Է ԵՄ-ին անդամակցության թեկնածուի կարգավիճակ ստանալու համար: Նշվում Է, որ այս փաստաթղթում Ուկրաինան գնահատել Է ուկրաինական օրենսդրության համապատասխանությունը եվրոպականին, իսկ երկրորդ մասի պատասխանները կազմում են շուրջ 4 հազար Էջ, որոնցում մանրամասնորեն շարադրված Է ուկրաինական օրենսդրության վիճակը ԵՄ-ին անդամակցության համաձայնագրի կատարումից ութ տարի անց, հաղորդել Է «Ինտերֆաքս»-ը:








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]