1000х90.jpg (78 KB)

Երևանում՝ 11:07,   28 Մարտ 2024

ԵՊՀ-ի և ՀՊՏՀ-ի ուսանողները ծանոթացել են  մաքսային ծառայություն ընդունվելու նոր ընթացակարգին

ԵՊՀ-ի և ՀՊՏՀ-ի ուսանողները ծանոթացել են  մաքսային ծառայություն ընդունվելու նոր 
ընթացակարգին

ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: Պետական եկամուտների կոմիտեն ազդարարել է նոր չափանիշներով մաքսային ծառայողներ պատրաստելու աննախադեպ դասընթացների մասին: Կոմիտեի նախաձեռնությամբ մեկնարկել են իրազեկման միջոցառումներ, այդ թվում՝ բարձրագույն ուսումնական հաստատություններում: Առաջին հանդիպումներն անցկացվել են Հայաստանի պետական տնտեսագիտական համալսարանի և Երևանի պետական համալսարանի մագիստրոսական կրթական աստիճանի ուսանողների և շրջանավարտների  հետ: Այս մասին «Արմենպրես»-ին տեղեկացրին ՀՀ ԿԱ ՊԵԿ տեղեկատվության և հասարակայնության հետ կապերի բաժնից:

ՊԵԿ նախագահի տեղակալ Շուշանիկ Ներսիյանը ներկայացրել է մաքսային ծառայությունում մեկնարկած բարեփոխումները, որոնց շրջանակում էլ արմատապես փոխվում է համակարգ ընդունվելու ընթացակարգը: Այդ նպատակով կոմիտեն սկսում է նոր չափանիշներով մաքսային ծառայողների պատրաստման աննախադեպ դասընթաց: Այն հաջողությամբ ավարտածները կստանան հավաստագիր և աշխատանքի առաջարկի հնարավորություն՝ մաքսային ծառայության տարբեր պաշտոններում: Մաքսային ծառայողի պատրաստման դասընթացի ընդունելության համար արդեն դիմել են 800-ից ավելի մասնակիցներ:

Հանդիպումների մասնակիցներն անմիջապես մաքսային ոլորտի պատասխանատուներից և մասնագետներից ստացել են հետաքրքող հարցերի պատասխանները՝ մաքսային ծառայողի նոր կերպարի, դասընթացի ընդունելության կարգի, ժամկետների, տևողության, աշխատանքի առանձնահատկությունների վերաբերյալ:

Հանդիպումների ժամանակ ցուցադրվել են նաև ՊԵԿ-ի պատրաստած տեսահոլովակները, որտեղ նույնպես մանրամասներ են ներկայացված մաքսային ծառայողի պատրաստման դասընթացի վերաբերյալ:


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]