385.68
3 րոպեի ընթերցում
Կյանքի բարձր որակ, հարմարավետություն, հանգստի ու ժամանցի հնարավորություններ. Երևանի Աջափնյակ վարչական շրջանի Գրիգոր Հասրաթյան 15 հասցեում շահագործման հանձնվեց ԿՌՈՒՆԿ բնակելի թաղամասը, որը բարեկեցիկ պայմաններ է ապահովում ավելի քան 270 ընտանիքի համար:
ԿՌՈՒՆԿ թաղամասի շինարարությունն իրականացվել է 2020 թվականից ի վեր՝ «Արտքոմփանի» ընկերության կողմից, որի պրոֆեսիոնալ թիմն ապահովել է կառուցապատման գործընթացի սահուն և արդյունավետ ընթացքը՝ միավորելով ոլորտի լավագույն մասնագետներին ու կազմակերպություններին։
«Մենք հերթական նշաձողը հաղթահարեցինք և կարողացանք մեր խոստացած բնակելի թաղամասը հանձնել բնակիչներին: Սա մեր քաղաքաշինական փիլիսոփայության դասական մարմնավորումներից մեկն է, այսինքն՝ փորձել ենք էժան գնի մեջ տալ բարձր որակ: Թաղամասում կան բոլոր հարմարությունները, բայց, միևնույն ժամանակ, չկան ավելորդ ճոխություններ, ինչը կազդեր ինքնարժեքի վրա»,- նշեց «Արտքոմփանի» ընկերության հիմնադիր Վահե Պետրոսյանը:
Թաղամասը ներառում է 14-հարկանի 3 նոր շենք՝ 273 հարմարավետ բնակարաններով, կոմերցիոն տարածքներ, 192 ստորգետնյա ավտոկայանատեղի, կանաչապատ ու ընդարձակ բակեր, ֆուտբոլի դաշտ, խաղահրապարակներ, զրուցարաններ, սպորտային ու հանգստի գոտիներ։ Նախագիծն աչքի է ընկնում բարձր սեյսմակայունությամբ (9+ բալ) և ժամանակակից ինժեներատեխնիկական լուծումներով, որը հնարավորություն է տվել նույնիսկ փոքր բնակարաններում ստանալ լուսավոր և ընդարձակ սենյակներ:
Կառուցապատողների և ոլորտի մասնագետների խոսքով՝ նախագծի հաջողության հիմքում ընկած է կառուցապատող ընկերության, հիմնադիրների և մասնակիցների կամքը՝ բնակիչներին ապահովել լավագույն պայմաններով:
ԿՌՈՒՆԿ-ը «Արտքոմփանի»-ի կարևորագույն նախագծերից մեկն է. այն ինչպես միշտ, իրականացվել է մեծ պատասխանատվությամբ, պրոֆեսիոնալ մոտեցմամբ ու ժամանակակից չափանիշներին համապատասխան:
Քաղաքաշինության կոմիտեի նախագահ Եղիազար Վարդանյանն էլ նշեց՝ ուրախ է, որ կառուցապատողներն արդեն անցում են կատարում թաղամասային կառուցապատմանը՝ ներդրումային ծրագրերը մեկ շենքով սահմանափակելու փոխարեն։
«Քաղաքաշինության կոմիտեն ողջունում և խրախուսում է թաղամասային տրամաբանությամբ կառուցապատման ծրագրերը, որոնց շնորհիվ քաղաքացիների համար բնակելի մակերեսից բացի ստեղծվում են բակային տարածքներ, խաղահրապարակներ, ժամանակակից պայմաններ և գեղեցիկ միջավայր»,- ասաց Վարդանյանը:
ԿՌՈՒՆԿ թաղամասն ունի ձևավորված և ակտիվ գործող համատիրություն, որը մասնագիտորեն զբաղվելու է շենքերի և ընդհանուր տարածքների սպասարկմամբ, բարեկարգման պահպանմամբ՝ ապահովելով բնակիչների համար մշտական հարմարավետություն։
Միջոցառմանը տեղի ունեցավ նաև շնորհակալագրերի հանձնում թաղամասի կառուցապատման աշխատանքներում իրենց մեծ ներդրումն ունեցած մասնագետներին և գործընկեր կազմակերպություններին։