ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: Հայաստանի տարածքում հունվարի 23-ի ցերեկը, 24-ին, 26-ին, 28-ին սպասվում է առանց տեղումների եղանակ, 25-ի գիշերը և առավոտյան ժամերին առանձին շրջաններում, 27-ին շրջանների զգալի մասում սպասվում է ձյուն և մառախուղ: «Արմենպրես»-ին այս մասին տեղեկացրին ՀՀ արտակարգ իրավիճակների նախարարությունից՝ վկալակոչելով ՀՀ շրջակա միջավայրի նախարարության Հիդրոօդերևութաբանության և մոնիտորինգի կենտրոնը։

«Քամին՝ հարավ-արևմտյան՝ 2-5 մ/վ:

Օդի ջերմաստիճանը 24-ի գիշերը կբարձրանա 2-3 աստիճանով»,- ասվում է հաղորդագրության մեջ:

Ըստ աղբյուրի ՝ Երևան քաղաքում հունվարի 23-ի ցերեկը, 24-26-ը, 28-ին սպասվում է առանց տեղումների եղանակ, 27-ին սպասվում է ձյուն: