Խաղողի մթերման գործընթացն ընթանում է արագ տեմպերով. Վահան Քերոբյան
14:45, 8 Սեպտեմբեր 2021
ԵՐԵՎԱՆ, 8 ՍԵՊՏԵՄԲԵՐԻ, ԱՐՄԵՆՊՐԵՍ: Խաղողի մթերման գործընթացը որոշ գործարաններում ընթանում է արագ տեմպերով: Ինչպես փոխանցում է «Արմենպրես»-ը, այդ մասին կառավարության նիստից հետո լրագրողների հետ զրույցում նշեց Էկոնոմիկայի նախարար Վահան Քերոբյանը:
«Նույնիսկ որոշ մթերողներ հայտարարել են անսահմանափակ մթերումների մասին: Օրինակ, Պռոշյանի կոնյակի գործարանը հայտարարել է, որ ինչքան բերեն, մենք կմթերենք: Կարծում եմ՝ կառավարությունը պետք է ձեռնպահ մնա գնի վերաբերյալ խոսակցություններից»,-ասաց նա:
Բաժանորդագրվեք մեր ալիքին Telegram-ում