ՊՆ պատվիրակությունը Մոսկվայում կմասնակցի «ԱՐՄԻԱ-2021» միջազգային ռազմատեխնիկական համաժողովին
18:03, 23 Օգոստոս 2021
ԵՐԵՎԱՆ, 23 ՕԳՈՍՏՈՍԻ, ԱՐՄԵՆՊՐԵՍ: ՀՀ պաշտպանության նախարարի տեղակալ Կարեն Բրուտյանի գլխավորած պատվիրակությունը օգոստոսի 23-ից 28-ը գտնվելու է Մոսկվայում:
«Արմենպրես»-ի փոխանցմամբ՝՝ ՀՀ ՊՆ-ից տեղեկացնում են, որ մասնակցելու են Ռուսաստանի մայրաքաղաքում անցկացվելիք «ԱՐՄԻԱ-2021» միջազգային ռազմատեխնիկական համաժողովին:
Համաժողովից բացի, պատվիրակությունը կմասնակցի նաև ցուցահանդեսին, ՌԴ ռազմատեխնիկական համագործակցության դաշնային ծառայության, «Ռոսօբորոնէքսպորտ», «Իրկուտ», «ԿամԱԶ», «Ուրալվագոնզավոդ», «ԿՏՌՎ» և այլ կազմակերպությունների ղեկավարների հետ հանդիպումներին ու պայմանագրերի կնքմանը:
Բաժանորդագրվեք մեր ալիքին Telegram-ում