Հայիթիում երկրաշարժի հետեւանքով զոհերի թիվը հասել է գրեթե 1,3 հազար մարդու
10:55, 16 Օգոստոս 2021
ԵՐԵՎԱՆ, 16 ՕԳՈՍՏՈՍԻ, ԱՐՄԵՆՊՐԵՍ: Հայիթիում երկրաշարժի հետեւանքով զոհերի թիվը հասել Է 1297 մարդու: Այդ մասին հաղորդել Է «Ֆրանսպրես» գործակալությունը՝ վկայակոչելով երկրի քաղաքացիական պաշտպանության ծառայության հայտարարությունը, տեղեկացնում Է «Արմենպրես»-ը:
Տուժածների թիվը նույնպես ավելացել Է. ավելի վաղ հաղորդվել Էր վերքեր ստացած 2,8 հազար մարդու մասին, այժմ նրանց թիվը 5,7 հազարից ավելի Է: Ավելի վաղ USAID-ի ադմինիստրատոր Սամանթա Փաուերը հայտնել Էր, որ ԱՄՆ-ը Հայաթի Է ուղարկել փրկարարների եւ սարքավորում:
7,2 մագնիտուդով երկրաշարժը Հայիթիի ափերի մոտ տեղի Է ունեցել օգոստոսի 14-ին: Մի շարք երկրներ արդեն պատրաստակամություն են հայտնել օգնել երկրին տարերքի հետեւանքները վերացնելու գործում, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում