Ժամանակը Երևանում՝ 11:07:36,   27 Հուլիս

Նոր արժեքավոր ուսումնասիրություն Հայրենական Մեծ պատերազմի հայազգի վաստակաշատ գնդապետի մասին

Նոր արժեքավոր ուսումնասիրություն Հայրենական Մեծ պատերազմի հայազգի 
վաստակաշատ գնդապետի մասին

ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ/ԳՈՐԾԸՆԿԵՐՆԵՐԻ ԼՈՒՐԵՐ։ Հունիսի 22-ին նախկին Խորհրդային Միության ժողովուրդները հիշում են  Հայրենական Մեծ պատերազմի 80-ամյակը: Տարելիցին ընդառաջ Երևանի «Լիմուշ» հրատարակչությունը լույս է ընծայել «Անվանի զինվորականը և տեսաբանը. Սարգիս Վարագի Սարգսյանի կյանքը և գիտական ժառանգությունը» (“Знаменитый военный и теоретик: жизнь и научное наследие Саркиса Вараговича Саркисяна”) մենագրությունը: Գրքի հեղինակն է պատմական գիտությունների դոկտոր, Երևանի պետական համալսարանի համաշխարհային պատմության ամբիոնի պրոֆեսոր, Եվրասիական փորձագիտական ակումբի անդամ Հակոբ Հարությունյանը: Աշխատությունը պատմոմ է նախկին ԽՍՀՄ Զինված ոժերի պաշտոնաթող գնդապետ Սարգիս Սարգսյանի (1899-1981 թթ.) անցած ուղու և գիտական-ստեղծագործական ժառանգության մասին:

Գնդապետ Ս.Սարգսյանը անցել է պրոֆեսիոնալ զինվորականի հերոսական ու փառահեղ ուղի:  Արդեն 15 տարեկան հասակում նա ընդգրկվել է հայկական կամավորական ջոկատներում և մասնակցել Առաջին համաշխարհային պատերազմին, ապա կռվել է 1918թ. Սարդարապատի հերոսամարտում:

Խորհրդային շրջանում նա զբաղեցրել է մի շարք պատասխանատու զինվորական պաշտոններ Հայկական ԽՍՀ-ում: Հայրենական Մեծ պատերազմի տարիներին (1942-1945թթ.) նա եղել է հայկական 89-րդ Թամանյան դիվիզիայի 400-րդ հրետանային գնդի հրամանատարը: Ուշագրավ է, որ գնդապետ Ս.Սարգսյանի հետ այս պատերազմին մասնակցել են նաև նրա ավագ որդին և դուստրը ամուսնու հետ, իսկ կրտսեր որդին այդ տարիներին աշխատել է Երևանի ռազմական գործարաններից մեկում: Գործած սխրանքների համար Ս.Սարգսյանն ու նրա զավակներն արժանացել են պետական ու կառավարական բարձր պարգևների:

Պրոֆեսեոր Հ.Հարությունյանը փաստում է, որ Սարգիս Սարգսյանին հարկ է համարել հին հայկական ռազմարվեստի ուսումնասիրության հիմնադիրը հայ իրականության մեջ, որովհետև նրա գրչին է պատկանում «Հայ ռազմական արվեստի պատմությունից (Երևան, 1969 թ., «Հայաստան» հրատ. 219 էջ)» արժեքավոր մենագրությունը, որը բաղկացած է 10 գլուխներից: Ժամանակագրորեն այն ընդգրկում է Հայկի և Բելի հանրահայտ ճակատամարտից մինչև արաբական առաջին՝ դեպի Հայաստան կազմակերպված արշավանքները (մ.թ. VII դ. սկիզբը):

Գնդապետ Ս.Սարգսյանի կյանքին և գիտական ժառանգությանը նվիրված մենագրությունը բաղկացած է 4 գլուխներից: Առաջաբանի հեղինակն է հայկական բանակի հիմնադիրներից մեկը, վաստակաշատ գեներալ-լեյտենանտ Մուրազ Սարգսյանը: Մասնագետների գնահատմամբ այս գիրքը շատ օգտակար կլինի հայկական զինվորական ուսումնական հաստատությունների սաներին և ունկնդիրներին, ինչպես նաև բոլոր այն գիտնականներին և փորձագետներին, որոնք կուզենան խորանալ Հայրենական Մեծ պատերազմի և հայկական ռազմարվեստի պատմության հիմնահարցերում: Մենագրությունը հասցեագրված է ոչ միայն այդ մասնագետներին, այլ նաև ընթերցողների լայն շրջանակին: Գիրքը անվճար կբաժանվի Հայաստանի Հանրապետության ռազմական ուսումնական հաստատությունների և ակադեմիական ու բուհական բոլոր գրադարաններին:

ԱՐՄԵՆՊՐԵՍ գործակալությունը պատասխանատվություն չի կրում այս բաժնում և ժապավենում տեղ գտած մամուլի հաղորդագրությունների բովանդակության համար։ Բաժնի նյութերի բովանդակության համար պատասխանատվությունը կրում է բացառապես մամուլի հաղորդագրության հեղինակը։ ԱՐՄԵՆՊՐԵՍԸ չի կարող համարվել պատասխանատու այս բաժնում հրապարակված հաղորդագրությունների հեղինակների կողմից ներկայացված տեղեկատվության անճշտությունների / սխալների համար։
ԱՐՄԵՆՊՐԵՍՆ իրեն իրավունք է վերապահում չհրապարակել այն հաղորդագրությունները, որոնք պարունակում եմ այլոց նկատմամբ վիրավորական արտահայտություններ, կամ մեղադրանքներ, կամ մտքեր, որոնք խախտում են Հայաստանի Հանրապետության Սահմանադրությամբ սահմանված այլոց իրավունքները։








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]