Գայի պողոտա-Նանսենի–Թոթովենցի փողոցներ խաչմերուկում կկատարվի երթևեկության կազմակերպման փոփոխություն
17:12, 19 Հունիս 2021
ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ: Երթևեկության անվտանգության բարելավման նպատակով՝ տրանսպորտային միջոցների կուտակումներից խուսափելու համար հունիսի 19-ին Երևան քաղաքի Գայի պողոտա - Նանսենի փողոց - Թոթովենցի փողոց խաչմերուկում կկատարվի երթևեկության կազմակերպման փոփոխություն: «Արմենպրես»-ի հաղորդմամբ՝ այս մասին հայտնում է Ճանապարհային ոստիկանությունը:
Փոփոխության արդյունքում Գայի պողոտայի վրա հանդիպակաց երթևեկության հոսքերը բաժանող առանցքային գծանշման տեղափոխության միջոցով կկազմակերպվի ևս մեկ երթևեկելի գոտի:
Բաժանորդագրվեք մեր ալիքին Telegram-ում