Ժամանակը Երևանում՝ 11:07:36,   3 Օգոստոս

Մենք կձևավորենք ազգային համաձայնության կառավարություն. Էդմոն Մարուքյանի ուղերձը

Մենք կձևավորենք ազգային համաձայնության կառավարություն. Էդմոն Մարուքյանի 
ուղերձը

ԵՐԵՎԱՆ, 18 ՀՈՒՆԻՍԻ, ԱՐՄԵՆՊՐԵՍ: «Լուսավոր Հայաստան» կուսակցության նախընտրական ցուցակը գլխավորող Էդմոն Մարուքյանը հունիսի 20-ին կայանալիք արտահերթ խորհրդարանական ընտրություններին ընդառաջ հանդես է եկել հայ ժողովրդին ուղղված ուղերձով: «Արմենպրես»-ը ներկայացնում է Մարուքյանի ուղերձը.

«Հայոց պատմությունը ցույց է տալիս, որ երբ մեր իշխանական տները արտաքին սպառնալիքները թողած միմյանց դեմ են պայքարել, միմյանց դեմ են կռվել, թշնամին օգտվելով այդ իրավիճակից հարձակվել են մեր պետականության, մեր թագավորության վրա եւ անկում են ապրել համ թագավորությունը, համ իշխանական տները:

Հարյուրամյակներ անց հայ ժողովուրդը ձեռք է բերում պետականություն, այդ օրվանից 30 տարի անց հայ ժողովուրդը կրկին պառակտված է իրար ատող խմբերով, իրար դեմ պայքարելով եւ թշնամին կրկին օգտվում է հայ ժողովրդի ներքին պառակտվածությունից ու թուլությունից: Եվ կրկին հայ ժողովուրդն իր պատմությունից դասեր չքաղելով պայքարում է իրար դեմ՝ ատելության, բռնության քարոզչություն, որն, ըստ էության, հասել է իր գագաթնակետին:

Հունիսի 20-ին հնարավորություն է ստեղծվել պատմությունից դասեր քաղելով վերջ տալ երկրի պառակտվածությանը, ատելությանը, բռնության քարոզին եւ այս անհաշտ միջավայրին:

Սիրելի հայրենակիցներ, հունիսի 20-ին գնացեք ընտրական տեղամաս, վերցրեք թիվ 9 քվեաթերթիկը եւ ասեք, որ դուք համերաշխության, համախմբման եւ երկրի ներսում հաշտությունը վերականգնելու կողմնակից եք, եւ մենք կձեւավորենք ազգային համաձայնության կառավարություն, որը երկիրը դուրս կհանի այս ծանր, բարդ իրավիճակից դեպի զարգացման հուն: Աստված պահապան բոլորիս»:

 








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]