1000х90.jpg (78 KB)

Երևանում՝ 11:07,   28 Մարտ 2024

Ակտիվացնել ԵԱՀԿ ՄԽ համանախագահների աշխատանքը․ Արցախի հարցով «Լուսավոր Հայաստան»-ի ծրագիրը

Ակտիվացնել ԵԱՀԿ ՄԽ համանախագահների աշխատանքը․ Արցախի հարցով «Լուսավոր Հայաստան»-ի ծրագիրը

ԵՐԵՎԱՆ, 23 ՄԱՅԻՍԻ, ԱՐՄԵՆՊՐԵՍ։ Հանուն Արցախի ժողովրդի ինքնորոշման իրավունքի կեսագործման և Լեռնային Ղարաբաղի հակամարտության հայանպաստ լուծման պետք է ակտիվացնել ԵԱՀԿ Մինսկի խմբի համանախագահների աշխատանքները։ Ինչպես տեղեկացնում է «Արմենպրես»-ը, մայիսի 23-ի կուսակցության 3-րդ համագումարի ժամանակ այս մասին ասաց «Լուսավոր Հայաստան» կուսակցության կառավարման խորհրդի անդամ, Ազգային ժողովի պատգամավոր Գևորգ Գորգիսյանը՝ ներկայացնելով իրենց կուսակցության ծրագիրը։

«Հետևողական քայլեր կատարել Արցախի բռնազավթած տարածքների վերադարձի և գործուն քայլեր ձեռնարկել պատերազմական հանցագործությունների համար Ադրբեջանի ռազմաքաղաքական ղեկավարություններին պատասխանատվության ենթարկելու նպատակով»,- ասաց Գորգիսյանը։

Նրա խոսքով՝ հանուն արդարության և ճշմարտության, հանուն հանրային համերաշխության վերակագնման և դասեր քաղելու «Լուսավոր Հայաստան»-ը խոստանում է, որ ստեղծելու է 2020 թվականի Արցախյան 44-օրյա պատերազմը ուսումնասիրող պարիտետային հանձնաժողով։

«Նաև խոստանում ենք, որ ձեռնարկելու ենք բոլոր քայլերը պատշաճ ապահովելու զոհված և վիրավորած զինծառայողների և նրանց ընտանիքների կարիքները։

Խոստանում ենք, անելու ենք ամեն ինչ՝ հասնելու հանրային համերաշխության, որովհետև միայն հանրային համերաշխությամբ, միայն հայության և Հայաստանի Հանրապետության ողջ կարող ռեսուրսը համախմբելով, մենք ի վիճակի կլինենք հասնել ու միասին կառուցել այն Հայաստանը, որտեղ մենք տեսնում ենք, որ պետք է արարի ու ապրի հայ մարդը, որտեղ պետք է վերադառնան մեր հայրենակիցները և որ ունակ է դիմակայելու 21-րդ դարի բոլոր մարտահրավերները»,- եզրափակեց Գորգիսյանը։


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]