Արմեն Սարգսյանը և Ժոնաթան Լաքոթն անդրադարձել են հայ-ֆրանսիական հարաբերությունների ներկա օրակարգին
18:30, 7 Ապրիլ 2021
ԵՐԵՎԱՆ, 7 ԱՊՐԻԼԻ, ԱՐՄԵՆՊՐԵՍ: Հանրապետության նախագահ Արմեն Սարգսյանն այսօր ընդունել է Հայաստանի Հանրապետությունում Ֆրանսիայի Հանրապետության արտակարգ և լիազոր դեսպան Ժոնաթան Լաքոթին:
Ինչպես «Արմենպրես»-ին տեղեկացրին Հայաստանի Հանրապետության նախագահի աշխատակազմի հասարակայնության հետ կապերի վարչությունից, հանդիպմանն անդրադարձ է եղել հայ-ֆրանսիական հարաբերությունների ներկա օրակարգին, այդ թվում՝ տնտեսական և, մասնավորապես, տեխնոլոգիաների ոլորտներում համագործակցության զարգացման հեռանկարներին:
Մտքեր են փոխանակվել նաև միջազգային և տարածաշրջանային խնդիրների շուրջ:
Բաժանորդագրվեք մեր ալիքին Telegram-ում