Պատմության հետագծով
ԵՐԵՎԱՆ, 20 ՓԵՏՐՎԱՐԻ, ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ/ԱՐՄԵՆՊՐԵՍ: 1988 թ. փետրվարի 20-ին Լեռնային Ղարաբաղի ինքնավար մարզի իշխանությունները պաշտոնապես հայտարարեցին Ադրբեջանական ԽՍՀ-ի կազմից դուրս գալու եւ Հայկական ԽՍՀ-ին միանալու իրենց վճռի մասին եւ փոխհամաձայնության խնդրագրեր ուղարկեցին Երեւան ու Բաքու. դրանով, փաստորեն, սկսվեց ղարաբաղյան շարժումը:
-1907 թ. փետրվարի 20-ին ծնվել է Հովհաննես Մամիկոնյանը՝ հայ գրականագետ, բանասիրական գիտությունների դոկտոր, ՀԽՍՀ գիտության վաստակավոր գործիչ (մահ.՝ 1970 թ.):
-1936 թ. փետրվարի 20-ին մահացել է Ալեքսանդր Թամանյանը՝ հայ ճարարապետ, ճարտարապետության ակադեմիկոս (1914), ՀԽՍՀ ժողովրդական ճարտարտապետ (1926), հայ նոր ճարտարապետության հիմնադիր: Թամանյանի նախագծած խոշորագույն կառույցներն են Կառավարական տունը եւ Ժողտունը՝ օպերայի եւ բալետի պետական թատրոնը: Թամանյանն աշխատել է ինչպես մայրաքաղաքի տասնյակից ավելի ճարտարապետական կառույցների` հիվադանոցների, գրադարանների (օրինակ՝ Հայաստանի ազգային գրադարանի), ինստիտուտների, թատրոնների, վարչական շենքերի, այնպես էլ հանրապետության մի շարք քաղաքների քաղաքաշինական նախագծերի վրա։
-2007 թ. փետրվարի 20-ին մահացել է Զահրատը՝ արեւմտահայ բանաստեղծ (ծնվ.՝ 1924 թ.):
-1872 թ. փետրվարի 20-ին Նյու Յորքում բացվեց «Մետրոպոլիտեն» թանգարանը, որն ԱՄՆ-ի ամենահարուստ գեղարվեստական հավաքածու ունեցող թանգարանն է:
-1980 թ. փետրվարի 20-ին ծնվել է Արթուր Աբրահամը՝ հայազգի աշխարհահռչակ պրոֆեսիոնալ բռնցքամարտիկ, հանդես է գալիս Գերմանիայում:
-1921 թ. փետրվարի 20-ին ծնվել է Միհրան Երկաթը՝ հայ օպերային երգիչ, բարիտոն (մահ.՝ 1986 թ.):
-1928 թ. փետրվարի 20-ին ծնվել է Գեւորգ Արշակյանը՝ հայ արձակագիր, դրամատուրգ:
-1938 թ. փետրվարի 20-ին ծնվել է Միքայել Ախտյանը՝ հայ բանաստեղծ, թարգմանիչ:
Մ. Ա.
Բաժանորդագրվեք մեր ալիքին Telegram-ում