Արա Ֆիդանյանը տեղեկություն չունի Էդուարդ Աղաջանյանին փոխոստիկանապետ նշանակելու վերաբերյալ
15:49, 27 Հունվար 2021
ԵՐԵՎԱՆ, 27 ՀՈՒՆՎԱՐԻ, ԱՐՄԵՆՊՐԵՍ: Փոխոստիկանապետ Արա Ֆիդանյանը տեղեկություն չունի՝ վարչապետի աշխատակազմի նախկին ղեկավար Էդուարդ Աղաջանյանին փոխոստիկանապետ նշանակվելու վերաբերյալ: Այդ մասին Ֆիդանյանը նշեց կառավարության նիստից հետո լրագրողների հետ զրույցում:
Հարցին՝ եթե նշանակվի՝ իր համար անակնկալ չի՞ լինի, որ երբևէ համակարգում չաշխատած անձին նման պաշտոն վստահվի, փոխոստիկանապետը նշեց, որ «եթե»–ներով հարցի չի պատասխանում:
Էդուարդ Աղաջանյանը վարչապետի աշխատակազմի ղեկավարի պաշտոնից ազատվել է 2021թ. հունվարի 18–ին։ Նա այդ պաշտոնում նշանակվել էր 2018 թվականի մայիսից:
Բաժանորդագրվեք մեր ալիքին Telegram-ում