Ժամանակը Երևանում՝ 11:07:36,   25 Հունվար

Աղավնոյի գյուղապետը մանրամասներ է ներկայացնում համայնքում տիրող իրավիճակի վերաբերյալ

Աղավնոյի գյուղապետը մանրամասներ է ներկայացնում համայնքում տիրող իրավիճակի 
վերաբերյալ

ԵՐԵՎԱՆ, 1 ԴԵԿՏԵՄԲԵՐԻ, ԱՐՄԵՆՊՐԵՍ: Արցախի Քաշաթաղի շրջանի Աղավնո գյուղական համայնքում այս պահի դրությամբ շարունակում է բնակվել 9 ընտանիք:     

«Արմենպրես»-ի հետ զրույցում տեղեկացրել է Աղավնո համայնքի ղեկավար Անդրանիկ Չավուշյանը:

«Հարազատ գյուղում ապրելու և այն հայկական պահելու մեր դիրքորոշումը չի փոխվել: Շարունակելու ենք ապրել այստեղ: Խաղաղապահները իրենց գործն են անում, իսկ մենք իրավունք ունենք պաշտպանելու մեր ընտանիքների անվտանգությունն ու գյուղը: Այստեղ մնացած տղամարդիկ շարունակում են  հերթապահել գյուղի շրջակայքում: Գյուղապետարանի տանիքին շարունակում է ծածանվել մեր դրոշը  և այլ դրոշ չենք ուզում տեսնել այնտեղ: Պայմանագրով խաղաղապահները պիտի ապահովեն միջանցքի անվտանգությունը: Նրանք  իրենց գործն են անելու, իսկ մենք այստեղ ապրելու և մեր անվտանգությունը պաշտպանելու  իրավունք ունենք: Պատրաստ ենք նույնիսկ կյանքի գնով պաշտպանել մեր իրավունքները: Այստեղից մենք պաշտպանում ենք նաև Ստեփանակերտն ու ամբողջ հայության իրավունքները: Կցանկանայինք, որպեսզի պատկան մարմինների կողմից հստակ պարզաբանումներ լինեին. մեզ ասում են՝ գյուղը հայկական է մնալու, սակայն տարհանման համար վառելանյութ ու ավտոբուսներ են տրամադրում», -ասաց Աղավնո համայնքի ղեկավարը:

Նրա հաղորդմամբ՝ շուրջ երեք օր է գյուղը  հոսանքազրկված է, չեն գործում արցախյան կապի միջոցները, իսկ Աղավնոյում ապրող ընտանիքներին սնունդ   և այլ անհրաժեշտ պարագաներ ուղարկում են  ընկերներն ու բարեկամները:  

Վան Նովիկով 

 

 

 

 





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ