«Մանչեսթեր Յունայթեդ»-ը հյուրընկալվեց և հաղթեց «Սաուդհեմթոն»-ին
20:18, 29 Նոյեմբեր 2020
ԵՐԵՎԱՆ, 29 ՆՈՅԵՄԲԵՐԻ, ԱՐՄԵՆՊՐԵՍ: Անգլիայի ֆուտբոլի առաջնության` Պրեմիեր լիգայի 10-րդ տուրի շրջանակներում «Մանչեսթեր Յունայթեդ»-ը հյուրընկալվեց «Սաուդհեմթոն»-ին:
«Արմենպրես»-ի հաղորդմամբ` «կարմիր սատանաներին» հաջողվեց ոչ միայն խուսափել պարտությունից, այլ նաև հաղթանակ կորզել: «Մանչեսթեր Յունայթեդ»-ը հաղթեց «Սաուդհեմթոն»-ին 3:2 հաշվով: Բրունու Ֆերնանդեշի և Էդինսոն Կավանիի դուբլը հաղթանակ բերեց մանկունյանցիներին: «Սաուդհեմթոն»-ից աչքի ընկան Յան Բեդնարեկը և Ջեյմս Ուորդ-Պրաուսը:
Այս հաղթանակից հետո «Մանչեսթեր Յունայթեդ»-ը մրցաշարային աղյուսակում 7-րդն է, իսկ «Սաուդհեմթոն»-ը` 5-րդն է:
Բաժանորդագրվեք մեր ալիքին Telegram-ում