Վլադիմիր Պուտինը հստակ և համակարգված է որակել ԼՂ-ում ռուս խաղաղապահների աշխատանքը
![Վլադիմիր Պուտինը հստակ և համակարգված է որակել ԼՂ-ում ռուս խաղաղապահների
աշխատանքը Վլադիմիր Պուտինը հստակ և համակարգված է որակել ԼՂ-ում ռուս խաղաղապահների
աշխատանքը](http://armenpress.am/static/news/b/2020/11/1035508.jpg)
ԵՐԵՎԱՆ, 20 ՆՈՅԵՄԲԵՐԻ, ԱՐՄԵՆՊՐԵՍ: Ռուսաստանի նախագահ Վլադիմիր Պուտինը հստակ և համակարգված է որակել Լեռնային Ղարաբաղում ռուս խաղաղապահների աշխատանքը: Ինչպես տեղեկացնում է «Արմենպրես»-ը, վկայակոչելով «ՌԻԱ Նովոստի»-ն, ՌԴ նախագահն այս մասին ասել է Լեռնային Ղարաբաղում ռուսական խաղաղապահ առաքելության վերաբերյալ խորհրդակցության ժամանակ:
«Օգտվելով առիթից ՝ ցանկանում եմ ընդգծել ռուս խաղաղապահների հստակ, համակարգված աշխատանքը: Ռուսական խաղաղապահ ուժերի տեղակայումը թույլ տվեց դադարեցնել արյունահեղությունը և խուսափել նոր զոհերից», - ասել է Պուտինը:
ՌԴ նախագահի խոսքով` ռուս զինվորականներն արդյունավետ վերահսկողություն են իրականացնում հրադադարի ռեժիմի նկատմամբ, որը պահպանվում է երկու կողմերի կողմից:
«Իրավիճակն ընդհանուր առմամբ կայունացել է», - նշել է Պուտինը:
Բաժանորդագրվեք մեր ալիքին Telegram-ում