389.56
Վարչապետի և գործադիրի աջակիցները հավաքվել են ՀՀ կառավարության շենքի մոտ
1 րոպեի ընթերցում
ԵՐԵՎԱՆ, 18 ՆՈՅԵՄԲԵՐԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանի և գործադիր իշխանության աջակիցները հավաքվել են կառավարության շենքի մոտ: «Արմենպրես»-ի փոխանցմամբ` նրանք իրենց աջակցությունն են հայտնում ՀՀ վարչապետին՝ նշելով, որ նա չպետք է հրաժարական ներկայացնի զբաղեցրած պաշտոնից:
Ակցիայի մասնակիցներին մոտեցավ վարչապետի աշխատակազմի ղեկավար Էդուարդ Աղաջանյանը՝ հավաստիացնելով, որ վարչապետի հրաժարականի հարցը չի քննարկվում:
Ավելի վաղ վարչապետի խոսնակ Մանե Գևորգյանը կոչ էր արել զերծ մնալ ի աջակցություն կառավարության ցանկացած հանրահավաք կազմակերպելուց:
Ազատության հրապարակում այս պահին ՀՀ վարչապետ Նիկոլ Փաշինյանի հրաժարականի պահանջով ընթանում է 16 ընդդիմադիր կուսակցությունների հանրահավաքը:
Բաժանորդագրվեք մեր ալիքին Telegram-ում