Հայաստանում վերջին 24 ժամում COVID-19-ից ապաքինվել է 731 անձ. բուժում է ստանում 40569 բուժառու

ԵՐԵՎԱՆ, 9 ՆՈՅԵՄԲԵՐԻ, ԱՐՄԵՆՊՐԵՍ: Հայաստանում նոյեմբերի 9-ի դրությամբ COVID-19-ից առողջացել է 64 910 քաղաքացի:«Արմենպրես»-ի հաղորդմամբ՝ այս մասին նշված է ՀՀ ԱՆ հիվանդությունների վերահսկման և կանխարգելման ազգային կենտրոնի կայքում:

Կորոնավիրուսային հիվանդությամբ այս պահին փաստացի բուժում է ստանում 40 569 պացիենտ: Վերջին 24 ժամում արվել է 2358 թեստավորում (թեստավորումների քիչ լինելը կախված է շաբաթ և կիրակի օրերից), իսկ ընդհանուր առմամբ` 441 174 թեստավորում: Այսպիսով` կա կորոնավիրուսային հիվանդությամբ հաստատված 1042 նոր դեպք և 731 առողջացած։ Ընդհանուր առմամբ կորոնավիրուսային հիվանդությունը հաստատվել է 107 466 քաղաքացու մոտ:

Ընդհանուր առմամբ, կորոնավիրուսային հիվանդությունից արձանագրվել է մահվան 1580 (ավելացել է ևս 21-ով) դեպք: Արձանագրվել է նաև մահվան 2 դեպք, երբ պացիենտների մոտ հաստատվել է կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 407 է:

Կառավարությունը սեպտեմբերի 11-ին որոշում է կայացրել ՀՀ-ում 2020 թվականի մարտի 16-ին հայտարարված և մինչև սեպտեմբերի 11-ը երկարաձգված արտակարգ դրության ժամկետը սեպտեմբերի 11-ից՝ ժամը 17:00-ից փոխարինել կարանտինով, մինչև 2021 թվականի հունվարի 11-ը ներառյալ:

Լիլիթ Դեմուրյան