Ժամանակը Երևանում՝ 11:07:36,   6 Դեկտեմբեր

Խաչաղբյուրում ջրարբիացվել է շուրջ 3 000 հեկտար արոտավայր

Խաչաղբյուրում ջրարբիացվել է շուրջ 3 000 հեկտար արոտավայր

ԳԱՎԱՌ, 29 ՀՈԿՏԵՄԲԵՐԻ, ԱՐՄԵՆՊՐԵՍ: Գեղարքունիքի մարզի Խաչաղբյուր համայնքում ավարտական փուլում է արոտների ջրարբիացման ծրագիրը, որն իրականացվում է ՀՀ էկոնոմիկայի նախարարության «Համայնքների գյուղատնտեսական ռեսուրսների կառավարման եւ մրցունակության ծրագրի» շրջանակներում։

Ինչպես «Արմենպրես»-ին տեղեկացրեց ՀՀ էկոնոմիկայի նախարարության «Համայնքների գյուղատնտեսական ռեսուրսների կառավարման եւ մրցունակության ծրագրի» Գեղարքունիքի մարզային գրասենյակի համակարգող Խորեն Բադալյանը, ծրագրի արժեքը կազմել է շուրջ 100 միլիոն դրամ, որից 4 միլիոն 200 հազար դրամը հատկացրել է Խաչաղբյուրի համայնքապետարանը։ Շինարարական աշխատանքները մեկնարկել են այս տարվա հունիսին եւ ավարտվել հոկտեմբերի 25-ին։ Կառուցվել են 6 կիլոմետր 800 մետր երկարության ջրագիծ եւ երեք խմոց, ինչի արդյունքում ջրարբիացվել է շուրջ 3 հազար հեկտար արոտ։

Խաչաղբյուր համայնքի ղեկավար Սերգո Գալստյանի հավաստմամբ՝ այս ծրագրի իրականացմամբ համայնքում կնկատվի անասունների գլխաքանակի եւ մթերատվության էական աճ։

Խոսրով Խլղաթյան





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ