Ժամանակը Երևանում՝ 11:07:36,   30 Նոյեմբեր

ՀՀ ԲՏԱ նախարարության կառույցները նվիրաբերություն են կատարել «Հայաստան» համահայկական հիմնադրամին

ՀՀ ԲՏԱ նախարարության կառույցները նվիրաբերություն են կատարել «Հայաստան» 
համահայկական հիմնադրամին

ԵՐԵՎԱՆ, 28 ՀՈԿՏԵՄԲԵՐԻ, ԱՐՄԵՆՊՐԵՍ: ՀՀ բարձր տեխնոլոգիական արդյունաբերության նախարարության աշխատակազմի, ենթակա կառույցների և աշխատակիցների համատեղ ջանքերով ռազմական դրության սահմանումից ի վեր առաջնագծում պայքարին իրենց ներդրումն ու մասնակցությունն ունենալու նպատակով, այդ թվում՝ անձնական միջոցներից իրականացվել է նվիրաբերություն «Հայաստան» համահայկական հիմնադրամի «Մենք ենք մեր սահմանները․ բոլորս Արցախի համար» դրամահավաքին: «Արմենպրես»-ի հաղորդմամբ, ՀՀ բարձր տեխնոլոգիական արդյունաբերության նախարարությունը տեղեկացնում է, որ նախարարության աշխատակազմի և Ռազմարդյունաբերական կոմիտեի աշխատակիցների անձնական միջոցներով նվիրաբերվել է 2մլն ՀՀ դրամ, Հայաստանի հեռուստատեսային և ռադիոհաղորդիչ ցանցի աշխատակիցների անձնական միջոցներով՝ 626․000 ՀՀ դրամ, Հեռահաղորդակցության հանրապետական կենտրոնի աշխատակիցներ անձնական միջոցներով՝ 443․000 ՀՀ դրամ, Հայաստանի հեռուստատեսային և ռադիոհաղորդիչ ցանցի կողմից՝ 20 մլն ՀՀ դրամ:

«Հայփոստ»-ի աշխատակիցները նվիրաբերել են 3.8 մլն ՀՀ դրամ արժողությամբ քնապարկեր և անձրևանոցներ են ուղարկվել առաջնագիծ: «Հայփոստ»-ի կողմից անվճար Հայաստան է տեղափոխվել 20 տոննա հումանիտար բեռ, առաջնագիծ են ուղարկվել գեներատորներ, «Արցախփոստ»-ին տրամադրվել են պլանշետներ՝ թոշակների և նպաստների վճարումների համար: Շարունակաբար իրականացվում է լոգիստիկ օժանդակություն թիկունքում տարվող աշխատանքներին:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ