Ազատության հրապարակում մոմավառություն է կազմակերպվել՝ ի հիշատակ առաջնագծում զոհվածների
ԵՐԵՎԱՆ, 25 ՀՈԿՏԵՄԲԵՐԻ, ԱՐՄԵՆՊՐԵՍ: Երևանի Ազատության հրապարակում մոմավառություն է կազմակերպվել՝ ի հիշատակ Ադրբեջանի կողմից և Թուրքիայի ու միջազգային ահաբեկչական ցանցի աջակցությամբ Արցախի նկատմամբ սանձազերծված պատերազմի հետևանքով առաջնագծում զոհված հայորդիների: «Արմենպրես»-ի փոխանցմամբ՝ ակցիայի մասնակիցները մոմավառության վայրում տեղադրել են մարտերում զոհված զինծառայողների ու կամավորականների լուսանկարները:
Հայրենիքի պաշտպանության համար մղվող մարտերում նահատակվել են 974 զինծառայողներ:
Սեպտեմբերի 27-ից Ադրբեջանը Թուրքիայի աջակցությամբ պատերազմ է սանձազերծել Արցախի դեմ՝ կիրառելով ողջ զինանոցը, թիրախավորելով անգամ քաղաքացիական բնակչությանը թե Արցախում, թե Հայաստանում: Առկա են հաստատված տեղեկություններ, որ Ադրբեջանի զինուժի կազմում հայկական կողմի դեմ մարտերի մեջ են նաև Սիրիայից Թուրքիայի միջոցով բերված վարձկաններ:
Բաժանորդագրվեք մեր ալիքին Telegram-ում