Ժամանակը Երևանում՝ 11:07:36,   29 Նոյեմբեր

Սիրիայում Հայաստանի հումանիտար առաքելության սակրավորներն օգոստոսին ականազերծել են 33 143 քմ տարածք

Սիրիայում Հայաստանի հումանիտար առաքելության սակրավորներն օգոստոսին 
ականազերծել են 33 143 քմ տարածք

ԵՐԵՎԱՆ, 31 ՕԳՈՍՏՈՍԻ, ԱՐՄԵՆՊՐԵՍ: Սիրիայի Արաբական Հանրապետությունում Հայաստանի հումանիտար առաքելության 5-րդ խմբի սակրավորներն օգոստոսին ականազերծել են 33 143 քառակուսի մետր ականապատ տարածք:

«Արմենպրես»-ին այս մասին տեղեկացրին Հումանիտար ականազերծման և փորձագիտական կենտրոնից:

Օգոստոսին հայտնաբերվել է 2 հատ ШОАБ տեսակի կասետային ենթազինամթերք, 13 120 մմ ականանետի չպայթած արկ, 3 82 մմ ականանետի չպայթած արկ, 14 OA-2,5 РTM ավիացիոն ենթազինամթերք, 5 ինքնաշեն պայթուցիկ սարք, 9 հակատանկային TM-62П, 18 ՎՕԳ-17Մ, 7 ДШК-ի չկրակված փամփուշտ, 7 TM-62М , 3 РПГ-7, 1 ПМН-2, 1 TM-57, 1 ЗРП-2, 1 ОЗМ-721, 1 TM-62ПЗ:

Հումանիտար առաքելության 5-րդ խմբի բժիշկները համաճարակային սահմանափակումների պայմաններում բուժօգնություն են ցուցաբերել 1 856 տեղաբնակի, առաքելության առաջին օրվանից՝ 17 341 հիվանդի:

Օգոստոսի 29-ին մարդասիրական խմբի 5-րդ բժշկական խումբը Հալեպի նահանգի առողջապահության պատասխանատու նախարար դոկտոր Զիադ Աջթահայի և Սիրիայի Հայ Ավետարանական համայնքի ղեկավար, Վերապատվելի Հարություն Սելիմյանի կողմից պրոֆեսիոնալ աշխատանքի համար պարգևատրվել է շնորհակալագրերով:

Մարդասիրական խմբի մշտական տեղակայման վայրում ամեն օր շարունակվում են իրականացվել կորոնավիրուսի համավարակի կանխարգելման և վարակազերծման դեմ ուղղված աշխատանքներ: Չնայած Հալեպում, համավարակով պայմանավորված, մի շարք սահմանափակումներին և դժվարություններին՝ մարդասիրական խումբը շարունակում է իրականացնել իր առաքելությունը:

Առաքելության առաջին իսկ օրվանից ականազերծվել է ընդհանուր 238 230 քառակուսի մետր տարածք:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ