ԵՐԵՎԱՆ, 26 ՕԳՈՏՍՈՍԻ, ԱՐՄԵՆՊՐԵՍ։ Երևանի քաղաքապետ Հայկ Մարությանը քաղաքապետարանի համապատասխան ստորաբաժանումներին հանձնարարել է Քանաքեռ-Զեյթունում՝ Ռայնիսի փողոցի թիվ 1 հասցեում, պայթյունից տուժած բնակիչներին ապահովել ժամանակավոր կացարաններով։ Ինչպես «Արմենպրես»-ին տեղեկացրին Երևանի քաղաքապետարանից, մասնագետները կուսումնասիրեն մասնակի փլուզված շենքի սեյսմակայունության և դրա հիման վրա՝ հետագայում վերականգնման խնդիրը։ Որոնողական աշխատանքներից և հետաքննության ավարտից հետո տարածքը կմաքրվի։

Ռայնիսի փողոցի թիվ 1 հասցեում օգոստոսի 26-ի առավոտյան նախնական տվյալներով գազի արտահոսքից տեղի է ունեցել պայթյուն: Քառահարկ պանելային շենքը մասնակի փլուզվել է. վնասվել է շքամուտքում գտնվող 12 բնակարան։ ԱԻՆ փրկարարական ծառայությունը որոնողափրկարարական աշխատանքներ է իրականացնում։ Իրենց ուժերով կամ փրկարարների օգնությամբ շենքի փլուզված հատվածից դուրս է եկել մոտ 20 մարդ: Փլակատների տակից դուրս բերված երկու անձ հոսպիտալացվել է, մեկ քաղաքացի մահացել է։

Լուսանկարները՝ Հայկ Մանուկյանի