Մինչեւ 4,7 մագնիտուդով մի շարք երկրաշարժեր են տեղի ունեցել Տայվանում
14:24, 19 Օգոստոս 2020
ԵՐԵՎԱՆ, 19 ՕԳՈՍՏՈՍԻ, ԱՐՄԵՆՊՐԵՍ: Օգոստոսի 19-ին 4,2-ից մինչեւ 4,7 մագնիտուդով երեք երկրաշարժեր են տեղի ունեցել Տայվանի հարավ - արեւմտյան մասում: Այդ մասին հայտնել Է կղզու սեյսմոլոգիական ծառայությունը, տեղեկացնում Է «Արմենպրես»-ը:
Ստորգետնյա ցնցումների Էպիկենտրոնը գտնվել Է մոտավորապես մեկ կետում. Տայնան քաղաքից 33 կիլոմետր դեպի հյուսիս - արեւելք, իսկ օջախները եղել են 10 – 11 կիլոմետր խորությունում:
Գետնի տատանումներ են զգացվել Տայնան, Ցզյաի, Գաոսյուն քաղաքներում, Յուլնինի, Նանտոուի եւ Չժանհուայի գավառների տարածքում:
Տուժածների եւ վնասի մասին տվյալներ այս ժամին չեն ստացվել:
Տայվան կղզին՝ 23 միլիոն բնակչությամբ գտնվում Է Արեւելյան Ասիայի սեյսմիկ ակտիվ գոտում, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում