«Լիվերպուլ»-ը գոլառատ խաղում հաղթեց «Չելսի»-ն
01:52, 23 Հուլիս 2020
ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: Անգլիայի ֆուտբոլի առաջնության ավարտից մեկ տուր առաջ «Լիվերպուլ»-ը սեփական հարկի տակ հյուրընկալեց «Չելսի»-ին:
«Արմենպրես»-ի հաղորդմամբ` Յուրգեն Կլոպի սաները հինգ գնդակ ուղարկեցին մրցակցի դարպասը` սեփականն ընդունելով երեք: Արդեն իսկ Պրեմիեր լիգայի չեմպիոնի տիտղոսը նվաճած «Լիվերպուլ»-ի կազմում աչքի ընկան Նաբի Կեյտան, Տրենտ Ալեքսանդր-Առնոլդը, Ժորժինյո Վեյնալդումը, Ռոբերտո Ֆիրմինոն և Ալեքս Օքսլեյդ-Չեմբերլեն: «Չելսի» գոլերը խփեցին Օլիվյե Ժիրուն, Թեմի Աբրահամը, և Կրիստիան Պուլիշիչը:
Հիշեցնենք, որ ժամանակից շուտ Անգլիայի չեմպիոն է դարձել «Լիվերպուլը», որը 30 տարվա ընդմիջումից հետո վերանվաճել է պատվավոր տիտղոսը:
Պատրաստեց Վարվառա Հայրապետյանը
Բաժանորդագրվեք մեր ալիքին Telegram-ում