Ժամանակը Երևանում՝ 11:07:36,   13 Հուլիս

Իսպանիան կթույլատրի մուտքը երրորդ երկրների մի շարք կատեգորիաների քաղաքացիների համար

Իսպանիան կթույլատրի մուտքը երրորդ երկրների մի շարք կատեգորիաների քաղաքացիների համար

ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ: Իսպանիան ընդլայնել Է այն կատեգորիաների քաղաքացիների ցուցակը, որոնք կկարողանան երկիր մուտք գործել հուլիսի 1-ից, նույնիսկ եթե նրանք հանդիսանում են այն երրորդ երկրների քաղաքացիներ, որոնց համար ԵՄ-ն չի բացել սահմանները,-խոսքն ուսանողների եւ բարձր որակավորում ունեցող մասնագետների մասին Է:

«Ինչ վերաբերում Է նոր կատեգորիաներին, …նպատակահարմար Է համարվում ներառել՝ … կեցավայրի կամ (ԵՄ-ի) անդամ երկրների ու Շենգենյան գոտուն ասոցացված երկրների կողմից տրված երկարաժամկետ այցագրերի տերերին: Հետեւաբար, անհրաժեշտ չի լինի ապացուցել, որ նրանք ուղեւորվում են անմիջապես բնակության վայր: Ուսանողները: Բարձր որակավորում ունեցող մասնագետները, որոնց աշխատանքն անհրաժեշտ Է եւ չի կարող իրագործվել հեռավար»,-ասված Է ՆԳ նախարարության հրամանում:

Հրամանը կսկսի գործել հուլիսի 1-ից: Իսպանիան ԵՄ-ի եւ Շենգենյան գոտու երկրների քաղաքացիների համար սահմանները բացել Է հունիսի 21-ից: Մյուսների համար մուտքը երկիր արգելված Է մարտի կեսերից. բացառություն են կազմում միայն նրանք, ովքեր կարող են ապացուցել ֆորս-մաժորային հանգամանքները, դիվանագետները, բուժաշխատողները, բեռնափոխադրողները, ինքնաթիռների անձնակազմերը եւ սահմանամերձ շրջանների աշխատողները, հաղորդել Է ՌԻԱ Նովոստին:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ