Ժամանակը Երևանում՝ 11:07:36,   13 Հուլիս

Քոչարյանի և մյուսների գործով դատական նիստը տեխնիկական պատճառներով հետաձգվեց

Քոչարյանի և մյուսների գործով դատական նիստը տեխնիկական պատճառներով 
հետաձգվեց

ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ: ՀՀ երկրորդ նախագահ Ռոբերտ Քոչարյանի և մյուսների գործով դատական նիստը հետաձգվեց տեխնիկական պատճառներով:

Ինչպես արդեն հաղորդել է «Արմենպրես»-ը՝ Երևանի ընդհանուր իրավասության դատարանը՝ նախագահությամբ դատավոր Աննա Դանիբեկյանի, հունիսի 30-ին դարձյալ հետաձգել է սահմանադրական կարգի տապալման գործով քննությունը։

Յուրի Խաչատուրովի պաշտպան Միհրան Պողոսյանը նիստի սկզբում տեղեկացրեց, որ շփվել է Covid-19-ով վարակակիր անձի հետ և պատրաստվում է թեստավորվել։

Փաստաբաններն առաջարկեցին ապահովել սոցիալական հեռավորությունը, սակայն դատախազները նշեցին, որ նման պահանջը նպատակ ունի սառեցնել պրոցեսը: Վերադառնալով ընդմիջումից հետո՝ դատարանը լսեց կողմերի կարծիքները:

Յուրի Խաչատուրովն առաջարկեց, որպեսզի հաջորդ նիստին դահլիճի պատրաստման պրոցեսին մասնակցեն կողմերը, և բոլոր վիճելի հարցերը լուծվեն:

Դատավոր Դանիբեկյանը հաստատեց, որ առկա տեխնիկական խնդիրները չեն կարող լուծվել արագացված կարգով: Արդյունքում դատական նիստը հետաձգվեց եւս մեկ շաբաթով:

Հաջորդ դատական նիստը նշանակվել է հուլիսի 7-ի ժամը 13։00-ին։

Հունիսի 30-ին նիստերի դահլիճը չէր ախտահանվել, այդ պրոցեսնը վերջին անգամ իրականացվել է կիրակի օրը։ Դրանից հետո դրա հնարավորությունը չի եղել։

Լիլիթ Դեմուրյան

 

 

 

 





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ