Կորոնավիրուսով հիվանդների տվյալների արտահոսքի վերաբերյալ ԱԱԾ-ն հայտարարություն է տարածել
17:24, 13 Հունիս 2020
ԵՐԵՎԱՆ, 13 ՀՈՒՆԻՍԻ, ԱՐՄԵՆՊՐԵՍ։ Կորոնավիրուսով հիվանդների և նրանց հետ շփումներ ունեցող անձանց տվյալների արտահոսքի վերաբերյալ Ազգային անվտանգության ծառայությունը հայտարարություն է տարածել։ «Արմենպրես»-ը ներկայացնում է ԱԱԾ մամուլի կենտրոնի տրամադրած հայտարարությունը․ «Համաձայն մամուլում տեղ գտած հրապարակումների, ադբեջանցի հաքերների կողմից հանրայնացվել են Հայաստանում կորոնավիրուսով հիվանդ ու նրանց հետ շփում ունեցող ծուրջ 3500 անձանց տվյալներ։
Ազգային անվտանգության ծառայությունը ձեռնարկում է համապատասխան միջոցներ մարդկանց անձնական տվյալների արտահոսքի հանգամանքները, ինչպես նաև դրանք իրականացնողներին պարզելու և հայտնաբերելու նպատակով»։
Բաժանորդագրվեք մեր ալիքին Telegram-ում