Մայր Աթոռում տեղի կունենա բժիշկների օրհնության կարգ
15:58, 2 Հունիս 2020
ԵՐԵՎԱՆ, 2 ՀՈՒՆԻՍԻ, ԱՐՄԵՆՊՐԵՍ։ Մայր Աթոռ Սուրբ Էջմիածնում հունիսի 3-ին, հանդիսապետությամբ Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի, կկատարվի բժիշկների օրհնության կարգ։ «Արմենպրես»-ին այս մասին հայտնեցին Մայր Աթոռի տեղեկատվական համակարգից։
Այս առիթով դուրս կբերվի Մայր Աթոռում պահվող Սուրբ Ղուկաս ավետարանչի մասունքակիր Աջը։
Օրհնության արարողությանը ուղիղ եթերում հնարավոր կլինի հետևել ժամը 19։00-ից, Մայր Աթոռի տեղեկատվական համակարգի «Ֆեյսբուք»-ի էջերում և «Շողակաթ» հեռուստաընկերության եթերում։
Բաժանորդագրվեք մեր ալիքին Telegram-ում