Ժամանակը Երևանում՝ 11:07:36,   10 Մայիս

ՀՀ պատվիրակությունն Արցախ էր այցելել միայն թեստ հանձնելուց և բացասական արդյունքից հետո 

ՀՀ պատվիրակությունն Արցախ էր այցելել միայն թեստ հանձնելուց և բացասական 
արդյունքից հետո 

ԵՐԵՎԱՆ, 1 ՀՈՒՆԻՍԻ, ԱՐՄԵՆՊՐԵՍ։ ՀՀ վարչապետի տիկին Աննա Հակոբյանի մամուլի խոսնակ Հասմիկ Հարությունյանը հերքում է տարածվող լուրերն, իբր, վարչապետն ու տիկինն Արցախ են մեկնել կորոնավիրուսով վարակված և կարող էին երդմնակալությանը վարակել այլ անձանց։ Այս մասին Հասմիկ Հարությունյանը նշել է՝ պատասխանելով «Արմենպրես»-ի հարցին։

-Այսօր առավոտյան, երբ ՀՀ վարչապետ Նիկոլ Փաշինյանը հայտարարեց, որ իր և ընտանիքի անդամների թեստի պատասխանը դրական է, տարբեր շրջանակներ լուրեր տարածեցին, թե վարչապետը և տիկինն Արցախում Արայիկ Հարությունյանի երդմնակալության ժամանակ արդեն վարակված են եղել և չի բացառվում, որ կարող էին վարակել նաև երդմնակալության հյուրերին։

-Նախ, Արցախ այցելած ՀՀ Կառավարության պատվիրակության բոլոր անդամները մինչ մեկնելը թեստ են հանձնել։ Արցախ մեկնել են միայն բացասական թեստ ունեցող աշխատակիցները։ Նշեմ նաև, որ վարչապետ Նիկոլ Փաշինյանը պարբերաբար է թեստ հանձնում։ 

Ինչ վերաբերում է երդմնակալությանը, ապա ՀՀ վարչապետ Նիկոլ Փաշինյանն ու Աննա Հակոբյանն Արցախում ամենասերտ շփումներն ունեցել են Արցախի Հանրապետության նախագահ Արայիկ Հարությունյանի և նրա ընտանիքի անդամների հետ։ 

Այսօր Արցախի Հանրապետության նախագահ  Արայիկ Հարությունյանը և նրա ընտանիքի անդամները թեստ են հանձնել, որի պատասխանը եղել է բացասական։  

Հետևաբար, տարածվող տեղեկությունը, որ վարչապետը կամ տիկինը Արցախում եղել են վարակված կամ կարող էին որևէ մեկին վարակել, հերթական ապատեղեկատվությունն է։  

ՀՀ վարչապետի ու նրա ընտանիքի անդամների ինքնազգացողությունը լավ է։  








youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ