Հեռավար կրթություն ստանալու համար ՄԻՊ-ի աջակցությամբ երկու ընտանիքների տրամադրվել են պլանշետներ
12:18, 26 Մայիս 2020
ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ։ Մարդու իրավունքների պաշտպանին են դիմել մի քանի մարզերի բնակիչներ՝ խնդրելով աջակցություն երեխաների հեռավար կրթության իրավունքի երաշխավորման հարցում։
Ինչպես «Արմենպրես»-ին հայտնեցին ՀՀ մարդու իրավունքների պաշտպանի աշխատակազմի հանրային կապերի բաժնից, նրանք տեղեկացրել են, որ սոցիալական վատ պայմանների պատճառով չեն կարողանում երեխաներին ապահովել համակարգչով, ինչի պատճառով երեխաները զրկվում են կրթություն ստանալու իրավունքից։
Մարդու իրավունքների պաշտպանի և Պարետատան համագործակցության արդյունքում երկու ընտանիքների տրամադրվել են պլանշետներ։
Բաժանորդագրվեք մեր ալիքին Telegram-ում