Ժամանակը Երևանում՝ 11:07:36,   1 Հունիս

«Հայաստանի Հանրապետություն» օրաթերթ. Առաջին պլանում ՏՏ եւ գյուղատնտեսության ուղղություններն են

«Հայաստանի Հանրապետություն» օրաթերթ. Առաջին պլանում ՏՏ եւ 
գյուղատնտեսության ուղղություններն են

ԵՐԵՎԱՆ, 4 ԱՊՐԻԼԻ, ԱՐՄԵՆՊՐԵՍ: «Համավարակի հետեւանքով առաջացած տնտեսական խնդիրների ու դրանց հաղթահարման ուղղությամբ կառավարության ձեռնարկած միջոցների վերաբերյալ «Հայաստանի Հանրապետություն» օրաթերթը զրուցել է տնտեսագետ, ԱԺ «Իմ քայլը» խմբակցության անդամ Արտակ Մանուկյանի հետ: Անդրադառնալով այն հարցադրմանը, որ տնտեսական այսօրվա խնդիրների պայմաններում վարչապետը հայտարարել է, որ կառավարությունը շեշտադրում է անելու տնտեսության մի քանի ճյուղերի վրա, նա նշել է. «Դրանք այն ճյուղերն են, որտեղ ունենք համեմատական առավելություն եւ ունենք արտադրողականության էական բարձրացման պոտենցիալ: Իհարկե, կարծում եմ, որ կորոնավիրուսի հետեւանքով 4-րդ սերնդի արդյունաբերական հեղափոխության՝ ռոբոտաշինության եւ դրան հարող ոլորտներում Հայաստանում ներդրումները կավելանան: Այն ներառում է նաեւ ՏՏ լուծումներ, արհեստական բանականություն եւ այլն: Այս ուղղությամբ աշխատանքներ, այսպես թե այնպես, իրականացվում էին, բայց համավարակի հետեւանքով այդ աշխատանքներն էլ ավելի կարագանան: Այստեղ կարելի է դիտարկել նաեւ առցանց առեւտրի զարգացման հնարավորությունը, որի պահանջարկը եւս ավելանում է: Ընդհանուր աշխարհում, նաեւ Հայաստանում երկրորդ ճյուղը, որն անառարկելիորեն ներդրումային հետաքրքրություն կստանա եւ որին միտված է նաեւ կառավարության քաղաքականությունը, գյուղատնտեսությունն է: Երկրները կփորձեն նաեւ դիտարկել փակ սահմանների հնարավորությունը եւ դրա համատեքստում է՛լ ավելի մեծ տեսակարար կշռով կփորձեն ինքնաբավության գործակիցը պարենային ապրանքների գծով մեծացնել: Առաջին պլանում այս երկու ուղղությունն են, որ կարճ ժամանակամիջոցում դրական ազդակներ կստանան»:

          Նյութն ամբողջությամբ կարդացեք թերթի այսօվա համարում:





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ