Ֆրանսիան վավերացրել է Հայաստանի հետ ստորագրված ռեադմիսիայի համաձայնագրի արձանագրությունը
1 րոպեի ընթերցում
![Ֆրանսիան վավերացրել է Հայաստանի հետ ստորագրված ռեադմիսիայի համաձայնագրի արձանագրությունը](http://armenpress.am/resized/480/static/news/b/2020/01/1003096.jpg)
ԵՐԵՎԱՆ, 30 ՀՈՒՆՎԱՐԻ, ԱՐՄԵՆՊՐԵՍ: Ֆրանսիան վավերացրել է Հայաստանի և ԵՄ-ի միջև գործող առանց թույլտվության բնակվող անձանց ռեադմիսիայի համաձայնագրի կիրարկման արձանագրությունը:
«Արմենպրես»-ի հաղորդմամբ՝ այս մասին տեղեկացում է Ֆրանսիայի միգրացիոն ծառայությունը: «Ֆրանսիան վավերացրել է Հայաստանի և Ֆրանսիայի կառավարությունների միջև 2016թ. հոկտեմբերի 27-ին Փարիզում ստորագրված՝ «ՀՀ-ի և ԵՄ-ի միջև առանց թույլտվության բնակվող անձանց հետընդունման (ռեադմիսիայի) մասին» 2013 թվականի ապրիլի 19-ին Բրյուսելում ստորագրված համաձայնագրի կիրարկող արձանագրությունը»,-նշված է կառույցի հաղորդագրության մեջ:
ՀՀ միգրացիոն ծառայությանփոխանցմամբ՝ արձանագրությունը սահմանում է ռեադմիսիոն գործընթացի տեխնիկական մանրամասները, ժամկետները, համագործակցության ձևաչափը։ Հայաստանը այն վավերացրել էր 2017 թվականի սեպտեմբերի 14-ին։