Հայաստանն Արցախին շտապօգնության 10 նոր մեքենա կնվիրի
13:04, 25 Հունվար 2020
ԿԱՊԱՆ, 25 ՀՈՒՆՎԱՐԻ, ԱՐՄԵՆՊՐԵՍ: Հայաստանի Հանրապետությունը Արցախի Հանրապետությանը շտապօգնության 10 նոր մեքենա կնվիրի: «Արմենպրես»-ի փոխանցմամբ` այս մասին հունվարի 25-ին Կապանում հրավիրված մամուլի ասուլիսում ասաց ՀՀ վարչապետ Նիկոլ Փաշինյանը` 3-րդ անգամ ներկայացնելով 100 փաստ Նոր Հայաստանի մասին:
«Հայաստանի կառավարությունն Արցախին 10 նոր շտապօգնության մեքենա նվիրելու որոշում է կայացրել: Մեքենաները կգնվեն Հայաստանի պետական բյուջեի միջոցներից և Արցախում կլինեն մարտ ամսին»,- ասաց Փաշինյանը:
ՀՀ վարչապետ Նիկոլ Փաշինյանը պարզաբանեց, որ 10 թիվը պայմանավորված է այս պահին առկա պահանջարկով:
Բաժանորդագրվեք մեր ալիքին Telegram-ում