Փաշինյանը հունվարի 24-ին այցելել է ՀՔԾ` քրեական գործով քննչական գործողությանը մասնակցելու
ԵՐԵՎԱՆ, 25 ՀՈՒՆՎԱՐԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանը նախաքննական մարմնի վարույթում քննվող քրեական գործերից մեկով կատարվող քննչական գործողությանը մասնակցելու համար հունվարի 24-ին այցելել է Հատուկ քննչական ծառայություն: «Արմենպրես»-ի փոխանցմամբ` այս մասին «Ֆեյսբուք»-ի իր էջում գրել է ՀՔԾ մամուլի խոսնակ Մարինա Օհանջանյանը:
«Նախաքննության շահերից ելնելով՝ քրեական գործի վերաբերյալ այլ մանրամասներ դեռևս չենք հայտնում»,- գրել է Օհանջանյանը:
Հունվարի 15-ին էլ վարչապետ Փաշինյանն այցելել էր ՀՀ քննչական կոմիտե՝ 2 ժամ 35 րոպե հարցաքննվելով այնտեղ՝ 2018թ. ՀՀ ազգային անվտանգության ծառայության տնօրենի պաշտոնը զբաղեցնող Արթուր Վանեցյանի և Հատուկ քննչական ծառայության պետ Սասուն Խաչատրյանի հեռախոսազրույցի գաղտնալսման գործով:
Բաժանորդագրվեք մեր ալիքին Telegram-ում