Tesla-ի ավտոմեքենաները շուտով կկարողանան «դիմել հետիոտներին». Իլոն Մասք
2 րոպեի ընթերցում
![Tesla-ի ավտոմեքենաները շուտով կկարողանան «դիմել հետիոտներին». Իլոն Մասք](http://armenpress.am/resized/480/static/news/b/2020/01/1001177.jpg)
Մասքը հրապարակել Է տեսանյութ, որում պատկերված Է ճանապարհով դանդաղ ընթացող Tesla ավտոմոբիլ: Դրանից լսվում Է, ըստ երեւույթին, համակարգչի միջոցով մշակված ձայն: Այն ասում Է. «Հենց այնպես մի՛ կանգնիր, ցատկոտի՛ր»: «Դուք երկա՞ր ժամանակ եք սովորել դեմքին այդ արտահայտությունը տալը»,- լսվում Է այնուհետեւ:
Ինչպես պարզաբանել Է Մասքը, Tesla-ի ավտոմեքենաները «շուտով կկարողանան խոսել մարդկանց հետ, եթե դուք ցանկանում ենք»:
Ձեռնարկիչը հայտնել Է, որ գործառույթը թուլ կտա դիմել հետիոտներին, սակայն մանրամասն տեղեկատվություն չի հայտնել այն բանի վերաբերյալ, թե հատկապես ինչպես կաշխատի դա եւ ինչ նպատակների համար Է նախապես մտահղացվել:
Ինչպես նշել Է Engadget ինտերնետ-ռեսուրսը, որը մասնագիտացած Է տեխնիկական նորույթների մասին հրապարակումների բնագավառում, նշված գործառույթը կարող Է վարորդին թույլ տալ դիմել շրջապատողներից որեւիցե մեկին՝ առանց լուսամուտը բացելու անհրաժեշտության: Դա, օրինակ, կարող Է օգտակար լինել անուշադիր հետիոտնին ավտոմեքենայի մոտենալու մասին զգուշացնելու համար, հաղորդել Է ՏԱՍՍ-ը: