Դավիթ Տոնոյանը Եռաբլուրում հարգանքի տուրք է մատուցել հանուն հայրենիքի զոհվածների հիշատակին
ԵՐԵՎԱՆ, 7 ՀՈՒՆՎԱՐԻ, ԱՐՄԵՆՊՐԵՍ: ՀՀ պաշտպանության նախարար Դավիթ Տոնոյանը հունվարի 7-ին այցելել է Եռաբլուր, հարգանքի տուրք մատուցել հանուն հայրենիքի զոհվածների հիշատակին:
«Արմենպրես»-ի հաղորդմամբ` այս մասին «Ֆեյսբուք»-ի իր էջում հայտնել է ՊՆ մամուլի խոսնակ Արծրուն Հովհաննիսյանը:
Հայ առաքելական եկեղեցին հունվարի 6-ին նշում էր Հիսուս Քրիստոսի Աստվածահայտնության և Սուրբ Ծննդյան տոնը: Հունվարի 7-ը` տոնին հաջորդող օրը Մեռելոց հիշատակի օր է:
Եռաբլուրը Հայաստանի պաշտպանության նախարարության հուշահամալիր-պանթեոն է, որտեղ ամփոփվել են Արցախյան ազատամարտում և 1994 թվականի զինադադարից հետո զոհված ազատամարտիկների և զինծառայողներից շատերի աճյունները։ Եռաբլուրում են ամփոփված նաև Զորավար Անդրանիկի, Հայաստանի ազգային հերոսներ Վազգեն Սագսյանի, Մոնթե Մելքոնյանի աճյունները:
Բաժանորդագրվեք մեր ալիքին Telegram-ում