ԱԺ հանձնաժողովը դրական է գնահատում «Հանրաքվեի մասին» օրենքում փոփոխությունների ՀՅԴ-ի նախագիծը
ԵՐԵՎԱՆ, 19 ՄԱՅԻՍԻ, ԱՐՄԵՆՊՐԵՍ: Ազգային ժողովի պետաիրավական հարցերի հանձնաժողովը դրական է վերաբերում «Հանրաքվեի մասին» ՀՀ օրենքում փոփոխություններ կատարելու մասին օրենքի նախագծին, որը ներկայացրել է ՀՅԴ խմբակցությունը: Այս մասին «Հանրաքվեի մասին» ՀՀ օրենքում փոփոխություններ և լրացումներ կատարելու մասին օրենքի նախագծի քննարկման ընթացքում նշեց հարակից զեկուցող, ԱԺ պետաիրավական հարցերի հանձնաժողովի նախագահ Հովհաննես Սահակյանը: «Նախագծով առաջարկվող փոփոխությունների անհրաժեշտությունն իսկապես կա, և դա առաջացել է այն բանից հետո, երբ մենք 2012թ. քվեարկեցինք և ընդունեցինք նոր Ընտրական օրենսգիրք: Անհրաժեշտություն է առաջացել, որպեսզի մենք «Հանրաքվեի մասին» օրենքը համապատասխանեցնենք ընտրական օրենսգրքին»,- «Արմենպրես»-ի հաղորդմամբ՝ պարզաբանեց Հովհաննես Սահակյանը:
Նա պատգամավորներին կոչ արեց առաջին ընթերցմամբ կողմ քվեարկել նախագծին՝ ընդգծելով, որ առաջինից երկրորդ ընթերցման ընթացքում հնարավոր կլինի նաև համատեղ ուժերով քննարկել և նոր գաղափարներ ներդնել, որոնք կարող են նախագիծն ավելի լավը դարձնել:
Պատգամավորի խոսքով՝ նախագծով առաջարկվող փոփոխությունները շատ կարևոր նշանակություն ունեն. օրենքի նախագծի ընդունման դեպքում կկարգավորվեն օրենքում առկա բացերն ու կապահովեն դրա համապատասխանությունը ընտրական օրենսգրքին, նպաստավոր պայմաններ կստեղծվեն կողմ և դեմ արտահայտվողների, ինչպես նաև դիտորդների համար հավասար պայմաններ ապահովելու առումով:
- Գալուստ Սահակյանը դիպլոմներ է հանձնել Մանկավարժականի
շրջանավարտներին
Այս տարի Հայաստանի պետական մանկավարժական համալսարանի շրջանավարտների թիվը մոտ 2000 է, որից 300-ն ուսումն ավարտել է գերազանց առաջադիմությամբ: - ԱԺ-ն քննարկում է Հայ-ռուսական հումանիտար կենտրոնի ստեղծման
համաձայնագիրը
Հումանիտար կենտրոնը կտեղակայվի Կոտայքի մարզի Գետարգել համայնքում: - ՀՀ ԱԺ նախագահը կարևորել է Հայաստանի մասնակցությունը խաղաղապահ առաքելություններին
«Հայաստանը մեծապես կարեւորում է իր մասնակցությունը ՆԱՏՕ-ի կողմից ղեկավարվող խաղաղապահ առաքելություններին»,- ասել է Սահակյանը: - Ակցիզային հարկերի բարձրացում նախատեսող նախագծի երկրորդ ընթերցմամբ
քննարկումը կհետաձգվի
ՀՀ ԱԺ նախագահ Գալուստ Սահակյանը հայտնեց, որ արդեն պայմանավորվել է Կառավարության հետ, որպեսզի «Ակցիզային հարկի մասին» ՀՀ օրենքում փոփոխությունների նախագիծը երկրորդ ընթերցմամբ քննարկվի աշնանը: - ԱԺ-ն ՀՀ օրհներգի հնչյունների ներքո ավարտեց 5-րդ գումարման 7-րդ նստաշրջանի
աշխատանքը
ՀՀ ԱԺ նախագահ Գալուստ Սահակյանը շնորհակալություն հայտնեց պատգամավորներին արդյունավետ աշխատանքի համար՝ հիշեցնելով, որ հունիսի 15-ին կառավարության նախաձեռնությամբ գումարվելու է ԱԺ արտահերթ նստաշրջան: