Ֆլորա Մարտիրոսյանի բարեկամները տեղեկացրել են, որ նրան կհուղարկավորեն Հայաստանում
ԵՐԵՎԱՆ, 21 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի Հանրապետության ժողովրդական արտիստուհի Ֆլորա Մարտիրոսյանի հոգեհանգստի եւ թաղման արարողությունը կլինի Հայաստանում, թե ոչ` պարզ կդառնա այսօր` նոյեմբերի 22-ին: Այս մասին «Արմենպրես»-ի հետ զրույցում նշեց Հայաստանի Հանրապետության մշակույթի փոխնախարար Արթուր Պողոսյանը:
Փոխնախարարը տեղեկացրեց, որ զրուցել են սիրված երգչուհու բարեկամներից մեկի հետ, ով հավաստիացրել է, որ արարողությունը տեղի կունենա Հայաստանում, սակայն նախարարությունը սպասում է երգչուհու ընտանիքի անդամների` ամուսնու եւ երեխաների որոշմանը: Հարազատների դրական պատասխան ստանալուց հետո, ՀՀ վարչապետի որոշմամբ, կստեղծվի կառավարական հանձնաժողով` հոգեհանգստի եւ հուղարկավորության արարողությունները Հայաստանում կազմակերպելու համար:
Արթուր Պողոսյանը հիշեցրեց, որ ԱՄՆ-ում անհրաժեշտ փաստաթղթերի ձեւակերպման գործընթացը երկար է տեւում, եւ այդ ուղղությամբ աշխատանքներ է տարվում Լոս Անջելեսում Հայաստանի հյուպատոսի կողմից:
ՀՀ ժողովրդական արտիստուհի Ֆլորա Մարտիրոսյանի մահվան պատճառը լեղապարկի վիրահատությունից հետո առաջացած բարդություններն են: Սիրված երգչուհին Կոմիտասի անվան միջազգային երաժշտական դպրոցի հիմնադիրն է, «Artists for Peace» բարեգործական կազմակերպության հիմնադիրը, «Never Again» մշակութային շարժման նախաձեռնողը:
Ֆլորա Մարտիրոսյանը ծնվել է 1957թ. փետրվարի 5-ին Գյումրիում:
- Ֆլորա Մարտիրոսյանի մարմարե կիսանդրին կարտահայտի նրա ողջ հմայքը
Արձանը հեղինակել է քանդակագործ Լեւոն Թոքմաջյանը: - Ֆլորա Մարտիրոսյանին վերջին հրաժեշտը եւ հուղարկավորությունը
կկայանան միեւնույն օրը`դեկտեմբերի 11-ին
Հուղարկավորությունը կկայանա Երեւանի քաղաքային պանթեոնում: - Ֆլորա Մարտիրոսյանի աճյունը կտեղափոխվի Հայաստան դեկտեմբերի 10-ին
Սիրված երգչուհուն վերջին հրաժեշտի արարողությունը կկայանա դեկտեմբերի 11-ին` Արամ Խաչատրյան համերգասրահում: Հուղարկավորությունը նույն օրը՝ Երևանի քաղաքային պանթեոնում: - Ֆլորա Մարտիրոսյանի դին Հայաստան տեղափոխելու օրը դեռ հայտնի չէ
Ամենայն հավանականությամբ, այսօրվա ընթացքում կլինի ՀՀ վարչապետի որոշումը` Թաղման կառավարական հանձնաժողով ստեղծելու կապակցությամբ, որն էլ կորոշի հոգեհանգստի եւ հուղարկավորության հետ կապված բոլոր հարցերը: - Ֆլորա Մարտիրոսյանի հուղարկավորության վայրի հարցով կառավարությունը
սպասում է ընտանիքի որոշմանը
Անհրաժեշտ փաստաթղթերի ձեւակերպման եւ գործընթացն արագ կազմակերպելու ուղղությամբ աշխատանքներ են տարվում ԱՄՆ-ում Հայաստանի հյուպատոսի կողմից: