Բասկետբոլի ԵԱՏՄ գավաթի խաղարկությունը վերածվեց տոնի. Լիգայի նախագահ
ԵՐԵՎԱՆ, 27 ՓԵՏՐՎԱՐԻ, ԱՐՄԵՆՊՐԵՍ: Հայաստանի բասկետբոլի կանոնավոր առաջնության նախագահ Արա Պողոսյանի կարծիքով ԵԱՏՄ բասկետբոլի գավաթի խաղարկությունը տոնի վերածվեց:
«ԵԱՏՄ բասկետբոլի գավաթի խաղարկությունը տոնի վերածվեց թե մեր, թե երկրպագուների համար: Գավաթի խաղարկությունն իսկապես կարելի է հաջողված համարել: Լիահույս եմ, այն շարունակական բնույթ կկրի: Դեսպանատների ներկայացուցիչները մոտենում և առաջարկում էին հաջորդ տարի մրցաշարն անցկացնել իրենց երկրներում»,-«Արմենպրես»-ի հաղորդմամբ` լրագրողների հետ զրույցում ասաց Պողոսյանը:
ԵԱՏՄ գավաթի խաղարկության վերջին խաղում Երևանի «Ուրարտու Վիվարո» ակումբը 92-72 հաշվով առավելության հասավ Տուլայի «Արսենալի» նկատմամբ և դարձավ խաղարկության հաղթող: Երկրորդ տեղը զբաղեցրեց Ղազախստանը ներկայացնող «Բարսի Ատիրաու» ակումբը, իսկ լավագույն եռյակը եզրափակեց Տուլայի «Արսենալը»: Բելառուսական «Բորիսֆեն» ակումբը հանգրվանեց սփոփիչ երրորդ հորիզոնականում:
Բաժանորդագրվեք մեր ալիքին Telegram-ում