Մարիա Գևորգյանը 3-րդ անընդմեջ հաղթանակը տոնեց շախմատի առաջնությունում
20:11, 14 Հունվար 2019
ԵՐԵՎԱՆ, 14 ՀՈՒՆՎԱՐԻ, ԱՐՄԵՆՊՐԵՍ: Շախմատի Հայաստանի կանանց 74-րդ առաջնությունում կայացան 3-րդ տուրի պարտիաները:
«Արմենպրես»-ի հաղորդմամբ՝ այս տուրում ևս, ինչպես նախորդ 2-ում, Մարիա Գևորգյանը հաղթանակ տոնեց: Մրցակիցներին գերազանցեցին Աստղիկ Հակոբյանը, Սուսաննա Գաբոյանը: Միավորը կիսեցին Ավետիսյան-Խաչատրյան, Ղուկասյան-Կուրսովա զույգերը:
3 հնարավորից հավաքելով 3 միավոր միանձնյա առաջատարը Մարիա Գևորգյանն է: 2-ական միավոր ունեն Սիրանուշ Ղուկասյանը և Աննա Խաչատրյանը:
Մրցաշարի 4-րդ տուրը կկայանա հունվարի 15-ին:
Բաժանորդագրվեք մեր ալիքին Telegram-ում