Եվրասիական միջկառավարական խորհրդի նիստում կքննարկվեն ինտեգրացիոն օրակարգի մի շարք հանգուցային հարցեր
ԵՐԵՎԱՆ, 27 ՀՈԿՏԵՄԲԵՐԻ, ԱՐՄԵՆՊՐԵՍ: Մինսկում բացվում Է Եվրասիական միջկառավարական խորհրդի նիստը, որին կմասնակցեն Հայաստանի, Ռուսաստանի, Բելառուսի, Ղազախստանի եւ Ղրղզստանի կառավարությունների ղեկավարները: Ինչպես տեղեկացնում Է «Արմենպրես»-ը, նիստի մասնակցները մտադիր են քննարկել Եվրասիական տնտեսական միության ինտեգրացիոն օրակարգի մի շարք հանգուցային հարցեր:
Հանդիպման ընթացքում կառավարությունների ղեկավարները մտադիր են ավարտել ԵԱՏՄ-ի նոր Մաքսային օրենսգրքի նախագծի պատրաստման աշխատանքը, որն այնուհետեւ կընդունվի միության անդամ պետությունների ղեկավարների կողմից:
Նիստի մասնակիցները կքննարկեն նաեւ միության անդամ երկրներում ապրանքների շարժի դիտարկման մեխանիզմի ահմանման մասին համաձայնագրի նախագիծը:
Հինգ պետությունների վարչապետների ուշադրության կենտրոնում կլինեն երրորդ երկրների եւ ինտեգրացիոն միավորումների հետ առեւտրատնտեսական համագործակցության զարգացման, միության հանգուցային գործընկերների հետ բանակցությունների գերակա ուղղությունների որոշման հարցերը:
Ինչպես նշում Է ՏԱՍՍ-ը, նիստի մասնակիցները կստորագրեն Եվրասիական տնտեսական հանձնաժողովի կողմից պատրաստված մի շարք որոշումներ, որոնք վերաբերում են Եվրասիական տնտեսական միության ու նրա մարմինների աշխատանքի գործնական ասպեկտներին: Մասնավորապես, նախատեսվում Է քննարկել ու հավանություն տալ միության 2017 թվականի բյուջեին:
Բաժանորդագրվեք մեր ալիքին Telegram-ում