Երևանը կհյուրընկալի հայ-հնդկական գործարար համաժողով
ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ: Եռօրյա այցով սեպտեմբերի 28-30-ը Հայաստանում է լինելու Հնդկաստանի առևտրաարդյունաբերական պալատների ֆեդերացիայի պատվիրակությունը, որում ընդգրկված են 11 կազմակերպությունների ղեկավարներ:
Ինչպես «Արմենպրես»-ին տեղեկացրին ՀՀ առևտրաարդյունաբերական պալատի լրատվական ծառայությունից, այցի շրջանակներում սեպտեմբերի 28-ին ՀՀ առևտրաարդյունաբերական պալատը Հնդկաստանի առևտրաարդյունաբերական պալատների ֆեդերացիայի հետ համատեղ կազմակերպում է գործարար համաժողով (երկկողմ հանդիպումներ՝ համատեղ ձեռնարկությունների բացման ակնկալիքով)։ Գործարարների խմբում ընդգրկված են գյուղատնտեսության, սննդի վերամշակման, շինարարության, հյուրանոցների, ջրամատակարարման և ջրահեռացման համակարգերի, ՏՏ ծառայությունների, ոգելից խմիչքների, շինարարական և այլ ոլորտներ ներկայացնող ընկերություններ։
Բաժանորդագրվեք մեր ալիքին Telegram-ում