Գերմանիայում աճել է փախստականների դեմ հանցագործությունների թիվը
ԵՐԵՎԱՆ, 28 ՄԱՅԻՍԻ, ԱՐՄԵՆՊՐԵՍ: Գերմանիայում փախստականների դեմ հանցագործությունների մասշտաբները շարունակում են աճել: «Արմենպրես»-ի փոխանցմամբ՝ «Ինտերֆաքս»-ը հայտնում է,որ Գերմանիայի ներքին գործերի նախարար Թոմաս դե Մազյերայի կարծիքով՝ իրավիճակը վատթարացել է դեռ 2016թ. առաջին ամիսներին:
ՆԳՆ հաշվարկներով, այս տարվա հունվարից սկսած՝ փախստականների համար նախատեսված կենտրոններից 449-ի վրա հարձակումներ են իրականացվել, այդ թվում 82-ը՝ բռնի ուժի կիրառմամբ: Բացի այդ՝ կենտրոններից դուրս գրանցվել է փախստականների դեմ հանցագործության 650 դեպք:
Միգրացիոն ճգնաժամի սկզբից ի վեր Գերմանիան դարձել է ներգաղթյալների համար նախընտրելի ուղղությունը: Այդպես, 2015 թ. գերմանական իշխանությունները արձանագրել են 1,1 մլն ապօրինի ներգաղթյալի մուտքը երկրի տարածք:
Լուսանկարը` AFP
Բաժանորդագրվեք մեր ալիքին Telegram-ում