Երևանում հոկտեմբերին տեղի կունենա ամերիկացի երաժիշտ Դանիել Դեքերի համերգը
16:39, 27 Մայիս 2016
ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ: Երևանում հոկտեմբերին տեղի կունենա ամերիկացի երաժիշտ Դանիել Դեքերի համերգը: Այս մասին տեղեկացրեց երաժիշտը «Արմենպրես»-ի մամուլի սրահում հրավիրված ասուլիսին:
«Հիմնական շեշտադրումը լինելու է հայերեն լեզվի վրա: Երգելու եմ հայկական սիրված երգեր, ինչպես օրինակ «Դլե յաման», «Կիլիկա», «Նազանի» և այլն: Նախատեսում եմ ներառել ժողովրդական գործիքներ` քանոն, դուդուկ: Կարծում եմ` հրաշալի համերգ է լինելու: Շատերը հարցնում են, թե ինչու եմ երգում հայերեն: Դա, կարծում եմ, իմ նվերն է հայ ժողվորդին»,-ասաց Դանիել Դեքերը:
Նա նշեց, որ վերջերս հոգևոր երգ ձայնագրելու առաջարկ է ստացել: Խոստացավ հոկտեմբերին կայանալիք համերգից հետո մտածել այդ մասին:
Բաժանորդագրվեք մեր ալիքին Telegram-ում