Տաթևում, Դիլիջանում ու Թումանյանում փետրվարի 14-ին կընտրեն համայնքի ղեկավարի
16:50, 13 Փետրվար 2016
ԵՐԵՎԱՆ, 13 ՓԵՏՐՎԱՐԻ, ԱՐՄԵՆՊՐԵՍ: Լոռու մարզի Թումանյան, Սյունիք մարզի Տաթև, Տավուշի Դիլիջան համայնքներում փետրվարի 14-ին կկայանան տեղական ինքնակառավարման մարմինների ընտրություններ: Ինչպես հաղորդում է «Արմենպրես»-ը` վկայակոչելոբվ Կենտրոնական ընտրական հանձնաժողովի կայքը, Թումանյան համայնքի ղեկավարի պաշտոնը ստանձնելու համար միանձնյա պայքար է տանելու նախկին գյուղապետ, Հայաստանի Հանրապետական կուսակցության անդամ Լևոն Զավարյանը:
Տաթև համայնքում մրցելու են երեք թեկնածուներ` անկուսակցական Իգոր Աբրահամյանը և Վարշամ Բագրատյանը, ՀՀԿ-ական, Տաթևի նախկին գյուղապետ Մուրադ Սիմոնյանը:
Դիլիջանում կմրցեն անկուսակցական Ժորա Սահաբալյանն ու ՀՀԿ-ական, Դիլիջանի նախկին ղեկավար Արմեն Սանթրոսյանը:
Բաժանորդագրվեք մեր ալիքին Telegram-ում