ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: Դեմոկրատական կուսակցությունից ԱՄՆ-ի նախագահի պաշտոնի հավակնորդ Բեռնի Սանդերսն օրերս իրեն տրամադրված պետական պահապան ծառայությունից ստացել Է Intrepid («Անվեհեր») կոդային անունը, տեղեկացնում Է «Արմենպրես»-ը: Իսկ առաջինն այս նորությունը հասարակայնությանը հայտնել Է ամերիկացի ռադիոհաղորդավար Բիլ Փրեսը: Նրա վկայությամբ՝ այս կոդային անունն ԱՄՆ-ի Գաղտնի ծառայությունը 74-ամյա Սանդերսի համար ընտրել Է երկրի քաղաքական կյանքի վրա Ուոլ սթրիթի «մեծ փողերի» ազդեցությունը սանձելու՝ նրա կողմից ակտիվորեն ձեռնարկվող փորձերի պատճառով:

Գաղտնի ծառայության գործակալների կողմից Սանդերսի անվտանգության ապահովում սկսելու մասին հայտնի Է դարձել փետրվարի 3-ին: Դա այն ժամանակ հավաստել Էր ԱՄՆ-ի ազգային անվտանգության նախարարության մամուլի ծառայությունը, նախարարություն, որի կառուցվածքի մեջ Է մտնում Գաղտնի ծառայությունը, հաղորդել Է ՏԱՍՍ-ը: